طلاق غيابي بقلم الكاتبة المبدعة أماني سيد
المحتويات
٥٠٠ مره ٢٠٠
لحد ما اتراكم عليه المبلغ ده
وبتمدى ايدك للناس ليه ماتبيعى حاجه من الدهب
الدهب كله اتباع من بدرى انت فاكر الفلوس اللي انت بتحولها دى فلوس دى يا دوبك بتكفينا اسبوع بالعافيه وانت بقالك سنتين مابتنزلش ومش عارف الاسعار بقى ازاى ولا الدنيا هنا بقت عامله ازاى ادخل على النت وانت تعرف
خلاص خلاص انا هتصرف وابعتهم بس اوعى تعملى كده مره تانيه فهمتى
طيب وكمان حاول تتصرف فى قرشين محتاجه لبس
كده كتير اوى يا كوثر مش معايا انا فلوس لكل ده
معلش مش هطلب منك حاجه تانى
تنهد رشيد بتأفأف
حاضر بكره هحولك الفلوس وامسكى ايدك بقى شويه فى المصاريف
وبالفعل فى اليوم التالى قام رشيد بتحويل المبلغ لكوثر فذلك المبلغ بالنسبه له لا شئ ولكن زوجته الجديدة تصرف الكثير من المال ويحاول بكل الطرق تلبيه رغباتها المادية
فهى وافقت على الزواج منه بشرط ان يطلق زوجته الاولى ويتكرها وبالفعل بعد أن قام بتطليق كوثر تزوج من عنود وقرر عندما ينزل مصر مره اخرى يرجعها لعصمته دون معرفة عنود حتى لا يخلق معها مشاكل فهو يخفى عليها امر تواصله مع كوثر ومع اولاده تجنبا للمشاكل حتى التحويل يحول المال دائما من خلال اصدقائه يعطيهم المال وهم يقوموا بعد ذلك بتحويله
عنود فتاه جميله وتستغل جمالها مما جعلها مغروره ومتكبره عندما ترتبط بشخص لا يهمها حالته الاجتماعية لأنها تعرف جيدا كيف تجعله لها
كانت متزوجه قبل رشيد وانفصلت دون أن تنجب وبعد زواجها من رشيد انجبت طفلين .
فى منزل رشيد كان يجلس مع عنود يشاهدون إحدى الافلام المصريه
عنود لو سمحت اعمليلى فنجان قهوه
قوم اعمل لنفسك العامله اجازه اسبوع وانت عارف انا مش بعرف اطبخ ولا اعمل حاجه في شغل البيت .
انا عارف بس بقولك عايزه فنجان قهوه ده مالوش علاقه بشغل البيت
انا مش بعرف اقف فى المطبخ أصلا بقولك ايه ايه رأيك تدخل انت تعملنا فنجانين قهوه على مادخل اغير هدومى كده ونقعد قاعده حلوه مع بعض
ابتسم رشيد على تلميحها وقام بالفعل لصنع فنجانين من القهوه وعندما عاد لغرفته وجدها قد خلدت للنوم شعر پغضب داخله من طريقتها فى التعامل قبل زواجههم اشترطت عليه أن يوفر لها خادمه وبالفعل وافق على طلبها لكن لم يكن يعلم أن الوضع بذلك السوء فهى لم تفعل شئ سوى التزين فقط حتى اولادها دائما تتركهم مع العامله
اخذ القهوه وخرج الشرقه وظل يحتسى فنجان القهوه ومعه السېجارة ويفكر في وضعه مع تلك العمود ففى بدايه علاقاتهم كان دائما يشعر بانبهار برفقتها فهى كالفتيات التى يشاهدهم بالتلفاز دائما
تعيش مع عنود فى نفس المنزل ويصبح لديه زوجتين واحده تهتم بالاولاد والمنزل واخرى تهتم به وبمزاجه حسنا سيتحدث مع عنود فى ذلك الامر ويذهب لبلده ويأتى بكوثر وأبناءه
فى اليوم التالى جلس جلس رشيد برفقه عنود بدأ فى التمهيد لها
عنود كنت عايز اكلمك فى موضوع مهم
خير
بصى يا عنود امتى مأثره فى شغل البيت وفى تربيه الاولاد ووقتك كله فى الخروجات وصالونات التجميل
طيب مانت بتحب كده وانت من قبل الجواز عارف طبعى وموافق ومرحب كمان
مش هنكر ده بس انتى لما العامله بتغيب البيت بيتأثر جامد والاكل والشرب بنجيبه من بره صح
أه ايه المشكلة اهم حاجه افضل حلوه
انتى حلوه وهتفضلى حلوه فى نظرى وانا مش عايز اغير ده لأنك عجبانى كده وفى نفس الوقت عايز واحده تهتم بالبيت والولاد كأم وانتى مش هتعملى كده فايه رأيك ارجع كوثر على زمتى تانى واجبها تعيش هنا وتاخد بالها من البيت والعيال
عامله يعنى بس بعقد شرعى
تقدرى تقولى كده
وانا ايه يضمنلى إنك ماتحنلهاش تانى
كنت حنتلها اولانى انا بقالى معاكى سنتين مفكرتش ولا لمحت أنى ارجعها لكن غياب العامله خلانى اعيد تفكيرى
طيب افرض اتجوزت
عند سؤال رشيد ذلك السؤال شعر بضيق أن شئ ملكه سيذهب لغيره لذلك لم يخبر كوثر انه طلقها لتظل له وملكه فقط
عادى لو اتجوزت هشوف واحده تانيه ولو متجوزتش هى اولى على الأقل عشان ابنى يبقى معايا
ماشى يا رشيد انا موافقه تجبها بس اعمل حسابك هتبات عندى وهى هتديها الملحق اللى تحت مع العمال أنت فاهم ده بيتى واظن من حقى اتحكم فيه زى ما احب
مافيش مشكله انا هجهزه عشان لما تيجى ويا ستى انا مش عايز ابات معاها حد يبقى معاه الدهب ويبص للحديد
ماشى هتنزل امته تجيها
فى الاجازه الجايه كمان ٧ شهور كده
خلاص ماشى
شعر رشيد بسعاده داخله فخطته تمشى على الطريق الصحيح
حاول رشيد الاتصال بكوثر حتى يبلغها لكنها لم تجيب عليه كانت مشغوله فى فرش المكتبه وتجهيزها للافتتاح
شعر رشيد بالقلق ان تكون علمت كوثر بطلاقها لذلك لم تجيب عليه ولكن هذا هو حالها فى الفترة الأخيرة ظل رشيد يرسل لها العديد من الرسائل لتجيب ولكنها كانت تتجاهلها وفى الجهه الاخرى تضع لها صور على حسابها عبر الفيس بوك مما جعل رشيد يشعر بالغيرة وقرر ان يحاول أن ينزل فى اسرع وقت وظل يرسل لها رسائل فى البداية رسائله كانت مليئه بالڠضب
الو ازيك يا رشيد
كل ده يا كوكو بحاول اكلمك ومش بتردى انتى وحشتينى اوى مكنتيش بتردى ليه
تليفونى كان بايظ كنت بصلحه
مانتى كنتى بتنزلى صور
دى قديمه كانت عندى على اللاب فكنت بسلى نفسى لحد ما الموبايل يتصلح
طيب انا عاملك مفاجأة حلوه وهنزل شهر ٧ اللى جاى وهجبلك معايا موبايل جديد وهدايا حلوه ليكى وللاولاد
تصنعت كوثر الفرحه
ايه ده بجد
اه والله اصلك وحشتينى أوى اوى فقررت انزل بنفسى واجيبك تعيشى معايا
تمام على كده بقى هبدأ احضر نفسى من دلوقتي
اه عايزك تجهز. نفسك وخصوصا فى الحاجات بتاعت العرسان دى
حاضر حاضر بلاش بقى كلام من ده لحسن بتكسف خليها مفاجأة ده انا هبسطك اوى
خلاص يا ستى فجئينى براحتك
ولو سمحت لما اتصل بيكى تردى عليه عشان بقلق عليكى
بس كده حاضر
ظلت كوثر تعمل فى المكتبه واتت بفتاه من جيرانها حتى تساعدها فى العمل هى تعمل صباحا والفتاه ليلا وبالفعل كانت المكتبه تعمل جيدا واصبح لديها مدرسين يأتون للطباعه عندها
يتبع.
الحلقة الثالثة
بعد مرور شهر استطاعت كوثر أن تتفق مع عدد كبير من المدرسين بتجهيز الملازم عندها وأن يرسلوا لها الطلبه الذين يحتاجون لادوات مدرسيه فاصبحت ترى المطلوب وتشتريه وتضعه فى المكتبه كونت صداقات مع بعض المدرسات واصبحوا يرسلوا لها الاشياء التى يريدوها عبر الواتس اب وهى تحضر لهم ما يطلبوه حتى لا يتعطلوا بالوقوف وانتظار الاوراق حتى يتم طباعتها وتجهيزها
اصبحت مكتبتها كبيره وتحتوى على كل شئ ومن فلوس مكسبها اصبحت تشترى بضائع اكثر وأكثر
خلال ذلك الوقت كان رشيد يحضر حاله للسفر لمصر والعوده بكوثر ولم يكن يعلم أن كوثر علمت أمر طلاقها وتحضر نفسها ليوم عودته واستغلت غيابه وتركت الشقه وباعت العفش وذهب للعيش مع والدتها مره أخرى
واثناء عملها أتى اليها مدرس جديد انتقل للعمل فى تلك المدرسه التى امام مكتبتها
عبد العزيز معلم فى الثلاثون من العمر منفصل ولديه ابنه تعيش مع والدتها
صباح الخير
صباح النور
حضرتك مدام كوثر
اتفضل
انا سمعت من المدرسين عن المكتبه بتاعتك وعن شغلك معاهم وبصراحه انا حابب اتعامل معاكى
تمام حضرتك فى رقم واتس اب خاص بالمكتبه لما بتحتاج تصور ملزمه او امتحان بتبعتلى رساله على الواتس اب بالورق او الملزمه وتقولى محتاج كام نسخه وعايزهم يكونوا جاهزين امته وانا بحضرها على الوقت اللى حضرتك طلبته ممكن تستلمها بنفسك او تبعت حد من الطلبه بورقه من حضرتك
ممتاز اوى انا هسجل الرقم
تمام يا مستر اتشرفت بمعرفتك اى وقت ابعتلى وبإذن الله الحاجه هتبقى جاهزه
تمام شكرا جدا مع السلامه
تركها ورحل بعد ذلك للذهاب للمدرسه مره اخرى وبالفعل مر اسبوع واصبح عبد العزيز يتعامل معها فى تصوير الاوراق المطلوبه والعلاقة بينهم كانت محدوده على العمل فقط
فى المدرسة كان يجلس عيد العزيز برفقه أحد المدرسين وكانوا يتحدثون عن حياتهم بشكل عام
صحيح يا مستر عبد العزيز انت متجوز ولا لسه
انا منفصل مطلق
لا حول الله يارب هما الستات كلها نكديه يلا ربنا يعوضك بالاحسن منها
هى كويسه وبنت ناس بس ماتفقناش مع بعض
طيب طالما هى كويسه ليه ماتفقتوش ولا العيب منك
لا خالص لا منى ولا منها هى تفكيرها مختلف تماما عن تفكيرى حاولنا كذا مره نقرب وجهات النظر يعنى معرفناش
إزاى يعنى مش فاهم
هى غير محجبه وانا كنت فاكر بعد الجواز هقدر اقنعها تلبسه وتغير استايل لبسها لكن هى صممت على رأيها وقالتلى أنى مرتبط بيها وهى كده واتجوزنا وهى كده يبقى اتحمل نتيجه اختيارى
تانى حاجة شغلها كان واخد كتير من وقتها انا افتكرت انها لو لقت نفسها مقصره فى شغل البيت هتقعد من نفسها لكن للأسف هى صممت على شغلها وحاجات من النوع ده لكن هى محترمه وبنت ناس هو بس افكارنا مختلفه او ممكن أكون انا متشدد
طيب ومخلف منها
اه عندى بنت بس عايشه مع والدتها واهل والدتها وهما كويسين اوى بروح ازورها كل اسبوع وغير كده البنت مبسوطه مع اهل والدتها لأن معاهم فى العماره اولاد خيلانها فبتلعب معاهم طول الوقت
بصراحه يا استاذ عبد العزيز انت كمان شكلك محترم دا انا عمرى ما
شوفت واحد
ولا واحده بيتكلم عن الطرف التانى بعد الانفصال إلا ويجيب فيه كل عيوب الارض
لا انا إنسان صريح وواضح وبحب اواجه نفسى وغير كده لزمتها ايه نشوه بعض فى الاخر اللى هيتضر الطفل لانه بيسمع من الطرفين وبيتأثر من الطرفين وللاسف الطرفين بيشوهوا نفسهم فى نظر ابنهم وبيطلع فى اغلب الأوقات طلف غير سوى نفسيا
عندك حق فعلا ربنا يرزقك بالزوجه الصالحة اللى تكون مناسبة ليك
بقولك صحيح هتعدى على مكتبه الكوثر
أه
طيب فى شويه ملازم كنت طالب منها تجهزهم وهى بعتتلى انها جهزتها ياريت تجبهالى معاك لو ينفع
تحت امرك يا استاذ منعم تحب احاسبها ولا حضرتك حاسبتها
لا انا محاسبها وكل حاجه ربنا يباركلها بصراحه بتعامل معاها وانا مغمض ربنا يباركلها ويعوضها يارب بالزوج الصالح
إيه ده هى مش متجوزه
كانت بس جوزها سافر وقبل نايسافر طلقها غيابى وهى معرفتش غير وهى بتجدد البطاقه
تمام ربنا يرزقها يارب
ذهب
متابعة القراءة
